 |
| 噢!溫哥華…。此地有好山有好水,地靈而人不杰, 不論你做乜都好, 一定得個"吉",打工又好, 做老闆又好, 肯定五十年不變,
都係原步踏步, 唔似多倫多, 乜嘢都多, 打工機會多, 做老細賺錢多, 仲有, 落雪落得多, 熱天熱得多, 超市價錢平好多,
茶樓點心仲要平更多… 不過,有樣嘢, 溫哥華認第一, 加國冇地方敢認第二, 就係日日死得人多,原因係學下華僑之聲電台果個"澳門朋友"抺口佬講嘅骨突英文"奧花刀",即係overdose, 過量吸毒而死嘅人越嚟越多, 希士亭東街簡直係人間煉獄, 另外, 溫哥華有樣最叻, 就係市府多姿多釆嘅巧立名目苛征濫稅最多, 仲有…(此照片非吾創作, 網上照片經老鬼後期修改, 其他照片都是老安拍攝) |
 |
| 老鬼作品, 溫哥華初冬。 戇秋秋, 扒小舟, 天仲未夠寒, 所以老鬼周圍走! 九流流, 兩頭遊, 海漂廿幾年, 一事無成冇乜修! 愁慘慘, 做加燦, 身家敗鬼晒, 如今眼矇腦又殘。 暗淡淡, 雨潺潺, 溫市嘅冬日, 老早天黑濕夾煩。
其實溫哥華睇落風景真係都幾靚。
|
